तोर जाति कहिआ ले जाई (Tor jati kahiya le jai)

 

तोर जाति कहिआ ले जाई

_________________________ 

गइले मानुसता के खाई

तोर जाति कहिआ ले जाई

 

करम नीच कइले

पर बड़का कहइले

बरन जाति धरम बनाई

तोर जाति कहिआ ले जाई

 

भरम फइलइले

बड़ा भोग कइले

पुरखा तोर कटलैं मलाई

तोर जाति कहिआ ले जाई

 

कइले गद्दारी 

खइले हिस्सेदारी

गरदन अंगूठा कटाई 

तोर जाति कहिआ ले जाई

 

हत्या करवले

उतसव मनवले

दिहले दानव राक्षस बनाई

तोर जाति कहिआ ले जाई

 

पोथी रचवले

बिधान बनवले

गइले सब अधिकार खाई

तोर जाति कहिआ ले जाई

 

झूठ-मूठ बोलले

बड़ा खेल खेलले

अब तोर कलई खोलाई

तोर जाति कहिआ ले जाई।

 

        --©राम बचन यादव